අහෝ මගේ මවුබිම

වැටීගෙන කුලී නිවසක
කුසපොත්ත ඇලී පිටටම
දෙවේලක් හාමත්ව
හාමුලා ට ජය පතාම
යති උහු උන්ව කර තබාන...

අවුරුදු පහෙන් පහටම
දෙපැත්ත මාරු කර කර
තවුතිසා සොයන හැටි
අපායක් වන විට උපන් බිම...

බෙහෙත් නැති රෝහල
ළගම ඇත චැනල් පෙල
යාමට කාසි නැති නිසා
අද අදම මරු හමු වෙත...

සැප අතහරින ලෙස
මුණි දෙසූ බණ දෙස දෙස
මහා සඟ නායක
ප්‍රාඩෝ රියෙන් බැස යත...

ඇත්තෝ කා බී සුඛන බිම
නැත්තෝ උන්ගෙ පා ලෙවකන
සිහිනයක් සේ පෙනෙයි දැන්
මා පැතූ ඒ සමබිම....

හසියා