අමතකව නොයන පාසල් ප්‍රේමය 96

විජේ සේතුපති සහ ට්‍රිශා ක්‍රිෂ්ණන් රංගනයෙන් දායක වන "96" චිත්‍රපටය මෑත කාලයේ මා බැලූ හිත පාරවන චිත්‍රපටයක්.කතාවේ අන්තර්ගතය මෙහෙමයි.රාම් හෙවත් කේ.රාමචන්ද්‍රන් සංචාරක ඡායාරූප ශිල්පියෙක්.ඔහු ඡායාරූප වැඩසටහනකට සම්බන්ධ වී ආපහු එන අතරතුරේ තමන් උපන් ප්‍රදේශය හරහා යනවා.එතනදී ඔහුට කුඩා කාලයේ උගත් පාසල දකින්න හම්බ වෙනවා.ඒ මතකයන්ගෙන් අලුත් වන රාම් වට්ස්ඇඇප් ගෲප් එකකට සම්බන්ධ වෙලා තමන් සමඟ එකට සිටි පාසල් මිතුරන්ව නැවත මුණ ගැසීමකට නැත්තම් re union එකකට සම්බන්ධ කරගන්නව.එතනට එනවා තව විශේෂ කෙනෙක්.ඒ තමා ජානූ(ට්‍රිශා).ජානූ කියන්නේ රාම් ගේ පාසල් පෙම්වතිය.ඇය ඒ මොහොත වෙනකොට විවාහකයි.එක් දරු මවක්.නමුත් රාම් ඒ වෙනකොටත් තනිකඩයි.ඉතින් කතාව යන්නේ වර්තමානයේ රාම් සහ ජානු ගේ එකතුවීමෙන් එයාලා අතීතාවර්ජනයේ යෙදෙන විදියටයි.ජීවිතේ එක්තරා තැනකදි රාම්ට ජානුව මග ඇරෙනවා.ඒ වෙන්වීම අවසන් මොහොත දක්වාම වෙනස් කරගන්න බැරිවෙනවා.සමහර තැන්වලදී එක වැරදි වැටහීමක් නිසා මුලු ජීවිතේම වෙනස් වෙන්න පුලුවන් කියන එකත්,ජීවිතේ කියන්නේ හමුවීම් සහ වෙන්වීම් කියන එකත් 96 දී හරිම ලස්සනට අපිට පෙන්නනවා.96 අවසානය ජානු ඇදපු ඇදුමක් රාම් පිලිවෙලට නවලා තමන්ගේ පාසල් මතක පිරුණු සූට්කේස් එකට දාලා වහන එක.ඔව් සමහර මතක තියනවා එහෙම අපි කොහේ හරි තැනක පරෙස්සමින් අරන් තියන.හැමෝටම හොරෙන් ඒ මතක දිහා බල බල සුසුම් හෙලන.ඒ හැමෝටම 96 කියන්නේ උණුසුම් සිනමාපටයක් වේවි